Vi tilbyr tilrettelagt opplæring for elevar som har behov for det. Opplæringa er knytt opp mot eit utdanningsprogram og tar utgangspunkt i dei faga, eller delar av faga, som eleven kan meistre. Eleven får eit kompetansebevis som viser kva mål i læreplanen som er gjennomført.
Opplæring i grunnleggjande ferdigheiter og fag gjennom tre år i ein liten klasse. Vi har lokaler som er delvis tilpassa rullestolbrukarar og ein fin uteplass.
Elevane i kvardagslivsklassen har utviklingshemming og funksjonshemming av ulik grad og treng tilrettelagt opplæring.
Dei fleste begynner på kommunalt dagsenter etter fullført vidaregåande utdanning.
Elevane deltek i arbeidstrening ut frå eigne føresetnader og interesser. Det kan til dømes vere bryter-styring med makulering, kopiering, papirinnsamling og kaffelaging.
I kvardagslivsklassen lærer elevane grunnleggjande kvardagslivsferdigheiter og har skulekjøkken.
Det er lagt stor vekt på fysisk trening. Vi har faglærar i kroppsøving og er i terapibasseng ca. ein gong pr. månad.
Vi har kommunikasjonstrening, opplæring/vedlikehald i bruk av lyd/ kroppsspråk, kommunikasjonshjelpemiddel som talemaskin, Rolltalk, symbol, teikn, ordbilde, bokstavar, bruk av PC, Smartboard, nettbrett, lese og skriveopplæring.
Vi har faget «Natur og miljø» der vi fokuserer på til dømes årstider, fenomen i naturen, lokalmiljø og grunnleggjande geografi.
Formålet med arbeidstrening er å gi eleven ein kompetanse i samsvar med dei krava som blir stilt i eit arbeidsforhold ved ein varig tilrettelagt arbeidsplass, og samtidig gi eleven beste moglege utgangspunkt for å møte vaksenlivet. Etter avslutta opplæring skal elevane ha oppnådd ein fagleg, sosial og arbeidsmessig kompetanse som gjer at eleven kan få ein jobb ved ein varig tilrettelagt bedrift eller i ei ordinær verksemd med yting frå NAV
I fase 1 blir hovedvekta lagt på å utvikle eleven sin sosiale handlingskompetanse.
I fase 2 og 3 legg ein vekt på den arbeidsmessige og faglege kompetansen like mykje som den sosiale.
Elevane er utplassert i praksis i bedrift 4-6 veker gjennom skuleåret, resten i skulen si kantine.
I fase 3 tar vi sikte på å etablere tilknyting til arbeidslivet, slik at eleven blir klar til oppstart i tilrettelagt arbeid i ordinær verksemd med yting frå NAV eller ein varig tilrettelagt bedrift etter endt skulegang.
Ta kontakt med avdelingsleiar
