Torsdag 2. mai hadde Olsvikåsen vgs den æra å få besøk av stortingspresident Masud Gharahkhani.
Dagen starta velkomst av elevrådsleiar Maren Vaage Handegård, før Gharahkhani talte til elevane om Stortinget og demokratiet, og kva høve ungdommen har til å påverke det samfunnet dei er ein del av.
Elevane på skulen hadde samla inn mange gode spørsmål som Endre Neverdal og Selma Dilay Can frå politikk-klassen stilte til stortingspresidenten etter talen.
Deretter fekk presidenten møte elevar på helse- og oppvekstfag og sjå på korleis dei jobba i skulen sitt «sjukerom», samt høyre meir om korleis elevane opplever yrkesfaget og høve til å gå ut i lære. Dagen vart avslutta med sofasamtale mellom stortingspresidenten og elevar frå ulike utdanningsprogram på skulen. Her vart tema som fråværsgrensa, utanforskap, og elevanes høve til å påverke kvardagen sin på skulen og elles diskutert.
Tusen takk for besøket!
Kjekke samtalar frå dagen
![Stortingspresidenten sit rundt eit bord saman med skulens elevar og snakkar](/contentassets/c41a31cd52364f319c7f361176570f50/6a2299da.jpg?width=1280&quality=80)
![To elevar intervjuer stortingspresident Masud Gharahkhani på scena](/contentassets/c41a31cd52364f319c7f361176570f50/84a88ec.jpg?width=1280&quality=80)
![Stortingspresidenten sit rundt eit bord saman med skulens Helse og oppvekst elevar og snakkar](/contentassets/c41a31cd52364f319c7f361176570f50/7d62fbfd.jpg?width=1280&quality=80)